Aproveitando o bo tempo do mes de xuño, o alumnado de 4º, 5º e 6º de primaria participou activamente no PROXECTO RIOS. Centrámonos no estudo da calidade da auga en función da presencia de macroinvertebrados bioindicadores. Foi sorprendente para o alumnado e tamén para o profesorado, a biodiversidade observada, coa presencia dun elevado número de familias de macroinvertebrados. A calidade da auga basada neste índice saíu, como sempre MOI BOA.
jueves, 26 de junio de 2014
lunes, 23 de junio de 2014
viernes, 20 de junio de 2014
O Cancioneiro do Xuvia
Por fin rematamos o noso particular cancioneiro composto por poemas elaborados polo alumnado de 3º e 4º de ESO.
viernes, 6 de junio de 2014
Xuño de poemas II
Escollemos hoxe un poema de César Antonio Molina, do seu poemario Eume.
AFIANDO A PEDRA
CANDO todo estea dito,
a que se dedicará o espírito?
Cando toda a corrente teña baixado,
a que se dedicará a canle?
Cando todo estea pensado,
cando todo sexa evidente
comezarase de novo desde o principio.
Cando todo estea dito
o Eume aínda estará afiando a pedra filosofal.
César Antonio Molina, Eume
Créditos da fotografía: http://gl.wikipedia.org/wiki/Ficheiro:Fragas_del_Eume.001.JPG
lunes, 2 de junio de 2014
Xuño de poemas
Continuamos neste mes de xuño coa nosa antoloxía de poemas relacionados cos ríos. Hoxe lembramos a Manuel María e a un seu poema do libro Terra Cha.
Regato
do Cepelo: naces e morres
na miña tribo, breve como
a milagreira pinga do orballlo
que se pousa no pétalo da rosa,
espello dos meus soños, murmullo
de frauta e asubío, salouco
emocionado e irreprimíbel, cunco
de pureza musical, laverca
chiadora, fadada raioliña
de lúa deitada docemente
nesta terra, humana e vella, só
pra darlle a túa delicada levidade.
na miña tribo, breve como
a milagreira pinga do orballlo
que se pousa no pétalo da rosa,
espello dos meus soños, murmullo
de frauta e asubío, salouco
emocionado e irreprimíbel, cunco
de pureza musical, laverca
chiadora, fadada raioliña
de lúa deitada docemente
nesta terra, humana e vella, só
pra darlle a túa delicada levidade.
Manuel
María, Terra Cha
Por certo, Manuel María lembra nun dos seus libros (A tribo ten catro ríos) os ríos da súa terra desta forma :
"O caso é que Outeiro de Rei, no comenzo da súa vida, tivo tres ríos:
O Pai Miño ou Río Grande, que vén atravesando toda a Terra Cha,
ancho, solemne, vagoroso, recreándose ó olla-la beleza das súas
propias ribeiras. O Ladra, de augas tépedas, que baixa
estarabouzando entre árbores, para morrer no Miño. O río Ladra morre
murmurando porque sabe morrer é o remate natural de cada vida e el
non lle ten medo á morte. As súas augas cantareiras non desaparecen:
mestúranse coas do Miño para darlles un pouco máis de alegría. E
finalmente o Río Pequeno, Río de Robra ou Santa Marta, que dos tres
xeitos se chama."
Se queres saber coma naceu o cuarto río, só tes que facer clic neste enlace.
Foto atopada aquí.
Suscribirse a:
Entradas (Atom)