ELEXIMOS OS PUNTOS DE MOSTREO

Hoxe tivemos unha nova sesión de traballo sobre o proxecto de calidade das augas superficiais no entorno do río Xubia en San Sadurniño.
Fixemos unha posta en común do informe anual de 2014 do proxecto rios no que participamos no ano pasado e que continuamos neste ano. 
Tamén estivemos escollendo os posibles puntos de mostreo atendendo a criterios como proximidade a industrias e outras posibles actividades prexudiciais, proximidade a depuradora de augas residuais e tamén zoas que en principio consideramos sin ningunha alteración. 
Situamos os puntos de mostreo en Google Earth utilizando a pizarra dixital do laboratorio.

COMEZAMOS O PROXECTO SOBRE A CALIDADE DA AUGA DO RÍO XUVIA EN SAN SADURNIÑO

O pasado martes fixemos a primeira sesión do obradoiro sobre a calidade da auga do río Xuvia en San Sadurniño.
Á sesión acudiron 9 rapazas de 3º e 4º da ESO que participarán este ano neste proxecto.
Nesta primeira sesión os profesores responsables do proxecto fixemos unha introducción ó mesmo e puxemos en común o plan de traballo inicial para a tarefa presentada.
A vindeira sesión será o próximo martes e nela poñeremos en común as fases do método científico e a súa aplicación a este proxecto.

COMEZAMOS O PROXECTO NESTE CURSO 14-15

Neste curso continuamos a participar no proxecto ríos. 
A coordinadora deste curso é a profesora Ana Palmero. 
Os grupos participantes:
4º ESO
1º ESO 
5º Primaria
6º Primaria

Aproveitando a participación no programa de excelencia de contratos programa, e coordinado polos profesores JJ Guillín e Lois Rguez, plantexaremos un obradoiro sobre o "estudo ambiental da calidade da auga da cunca do Xuvia en San Sadurniño". 

Tamén visitaremos a potabilizadora e as depuradoras de augas residuais do concello para coñecer un pouco mellor o ciclo da auga. 

O ALUMNADO DE 4º, 5º E 6º DE PRIMARIA PARTICIPA NO PROXECTO RÍOS

Aproveitando o bo tempo do mes de xuño, o alumnado de 4º, 5º e 6º de primaria participou activamente no PROXECTO RIOS. Centrámonos no estudo da calidade da auga en función da presencia de macroinvertebrados bioindicadores. Foi sorprendente para o alumnado e tamén para o profesorado, a biodiversidade observada, coa presencia dun elevado número de familias de macroinvertebrados. A calidade da auga basada neste índice saíu, como sempre MOI BOA.

Visita a aula da natureza de Chelo e ruta polo río Mandeo

Aquí están algunhas fotos da saída extraescolar de 1º de ESO o Río Mandeo

O Cancioneiro do Xuvia

Por fin rematamos o noso particular cancioneiro composto por poemas elaborados polo alumnado de 3º e 4º de ESO.

Xuño de poemas II

Escollemos hoxe un poema de César Antonio Molina, do seu poemario Eume.

AFIANDO A PEDRA

CANDO todo estea dito,

a que se dedicará o espírito?

Cando toda a corrente teña baixado,

a que se dedicará a canle?

Cando todo estea pensado,

cando todo sexa evidente

comezarase de novo desde o principio.

Cando todo estea dito

o Eume aínda estará afiando a pedra filosofal.

César Antonio Molina, Eume

Créditos da fotografía: http://gl.wikipedia.org/wiki/Ficheiro:Fragas_del_Eume.001.JPG